NGEMSI

Poé tadi mancén tugas ngemsi téh dina raraga ngaresmikeun gedong anyar. Ari anu rék datang téh para inohong, salah sawiosna inohong éta, saméméh acara dimimitian tim protokoler geus datang ka lokasi, tudah tuduh kudu kitu, kudu kieu.

Panicia geus nyadiaan méja jang tatamu kumplit jeung susuguhna, maksudna hayang nyugemakeun anu jadi tamu, tapi kumanéhna diucutan deui, méjana kudu diganti, pon kitu deui susuguhna, terus éta korsi anu geus rapi ditingalian deui, diketrukan meureun bisi kebul, tarapti pisan, terus manéhna nyiapkeun kertas, kertas dingaranan ditémpélkeun dina korsi. Jeung réa-réa deui, pokonamah loba hal anu kupanicia geus disiapkeun teu payus jeung tim protokolerna, nya panicia ngéléhan.

Terus kuring anu jadi emsina ogé di briping, dibéré wejangan kudu kitu, kudu kieu.

Acara anu dibikeun ti panicia aya anu di corét aya ogé anu diganti posisi anu tadina dihandap kudu dikaluhurkeun.

Saanggeus kitu, aya info réh na inohong éta téh geus di jalan rék indit ka lokasi, atuh deur kuring téh ku panicia dikodeuan siap mimitian cenah, deur atuh kuring téh ngamimitian, karék sabaraha ucap tim protokolerna gugupay nyarék maksudnamah ulah waka dimimitian posisi jauh kénéh,  atuh kuring téh spontan ngajawab "nuju gladi".

Sababaraha kali ngémsi formal, ieu ngémsi anu ngalalakon pisan, tapi aya hadéna ieu téh jadi pangalaman jang kuring. Dimana ngémsi deui ngundang inohong éta kuring kudu geus siap.

Tibaheula ogé Kuring mah Bisa Maca

"Alhamdulillah Tibaheula ogé Kuring mah Bisa Maca"

Poé salasa saminggu kalarung, indit ka kantor téh kana kandaraan umum da rada nyalsé, ti imah na nga ojol nepi ka Ciparay, ti Ciparay sambung kana angkot.

Dina angkot pinuh ku Ibu-ibu wungkul, sabagéan anu baralik ti pasar, sabagéan ibu-ibu anu rék arindit ka kantor, maké saragam akur jeung kuring.

Ngan enya iwal ti kuring anu teu nyoo hapé, kuring mah sok aya lieur lamun nyoo hapé dina kandaraan téh, jeung sok palaur kitu, jaga-jaga, hariwang..

Ngan heunteu wé di potrét, kabéh ibu-ibu anu diukna hareupeun jeung gigireun kuring tarungkul anteng kana hapéna séwang-séwangan.

Kuring merhatikeun obrolan supir jeung panumpang lalaki dihareup. Panumpang ngasongkeun duit 100 rebu, jang ongkosna meureun, supir ngajawab "teuacan aya récéh".

Panumpang lalaki éta rugah rogoh kana saku tayohna néangan récéh, teu manggih..
Antukna éta panumpang téh ngasongkeun bungkus roko pok éta panumpang téh ngomong "Nyeuseup atuh A".

Kuring rewas ku jawaban supir, pok na:
"Alhamdulillah tibaheula ogé abdimah tiasa maca".

Tayohna si supir téh tara ngaroko.

Panumpang ngajawab "maksudna kuring teubisa maca kitu?".

Supir ngajawab: "ah henteu, abdi teu nyebatkeun anu ngaroko teubisa maca"
"abdimah tibaheula ogé bisa maca kitu" pokna deui..

Panumpang rada jamedud bari ménta eureun, tayohna geus nepi ka tempat anu di tuju, song deui ngasongkeun duit anu 100rb, sabab acan aya jang pamulangan supir malik katukang, méntaan heula ongkos ka panumpang anu lain.

Cag
Rancawaas, 1 Juli 2019

PROGRAM VCT BATCH 5 JABAR TELAH DIBUKA

Pendidikan di Era Revolusi Industri 4.0 

Salam Edukasi, 

Program VCT Batch 5 Jabar telah dibuka.

Materi Pelatihan : 
💠 Membuat google form & digital flyer.
💠 Teknik menulis narasi kegiatan yg menarik.
💠 Mengkreasi & mengelola room webex.
💠 Merekam & mengunggah kegiatan pelatihan pada you tube channel.

Persyaratan peserta : 
💠 Memiliki kemauan untuk belajar & berbagi.
💠 Memiliki laptop/tablet/ HP Android.
💠 Memiliki jaringan internet yang stabil.

Manfaat VCT : 
💠 Mahir mengelola room webex.
💠 Berbagi wawasan & pengetahuan baru.
💠 Mendapatkan sertifikat lulus dari SEAMEO (39 JP).
💠 Mendapatkan kesempatan menjadi instruktur pelatihan VCT selanjutnya. 

Pendaftaran dibuka
10 s.d 30 Juli 2019

Rentang waktu pelatihan :
01 s.d 31 Agustus 2019

Melalui :
http://bit.ly/pendaftaran-batch5-jabar

Nara hubung :
IMAS ROHAENI 085720248507

Tim VCI Batch 5 Wilayah Jawa Barat

SAMEN

Minggu-minggu ieu keur usum samen, tiap-tiap sakola ngondang Kolot na keur mawa rapot, sabab ayeunamah kanaikan kelas jeung kalulusan.

Alhamdulillah poé ieu kuring nyempetkeun waktu nedunan pangondang ti sakola pikeun mawa rapot jeung si cikal di wisuda caritanamah.

Tah kieu ngenahna nyakolakeun budak di hiji lembaga timimiti MI tepi ka SMK di hiji tempat, budak kuring tiluanana sakola di tempat anu sarua, samenna dihijikeun, Alhamdulillah teukudu kaditu kadieu.

Kabayang lamun tilu budak samenna mareng, terus béda tempat, meureun kuring morojénja kudu kaditu kadieu.

Mun Teu Ku Urang Ku Saha Deui, Mun Teu Ayeuna Iraha Deui.

 Jaman kiwari geus leungit undak unduk basa sunda téh, lain ngan ukur budak jaman ayeuna hungkul anu teu apal téh, dalah kuring ogé jeung anu saluhureun kuring masih loba anu salah kaprah ngalarapkeunana.

Tapi da enya atuh kuring ogé sok kadang ngarasa rancu mun ningali kotrétan atawa caritaan anu salah kaprah téh. Ngan can bisa ngaropéana.

Tah didieu perluna silih ngingetan, pikeun ngamumulé basa karuhun téh, sangkan ieu basa Sunda téh teu kagusur ku jaman teu kagésér ku kaayaan, ieu téh pancén urang sararéa.

Kaasup peuting ieu bisa gabung kuliah onlén kaleresan Téh Nenden Hernika anu janten narsumna, diajar Basa Sunda, mundel pisan.

Hatur nuhun.

Nyaba

Poé isuk aya rencana rék nyaba niat maluruh baraya anu aya di Purwakarta nyaéta kulawarga ti Jenat Pun Nini. Ti mimiti Kampung Bendul Sukatani, laju ka Cilalawi, laju ka Cilayung, laju ka Cipinang.

Jenat téh gaduh sadérék genep sadayana linggih di Purwakarta, anu jumeneng kénéh hiji deui nyéta raina anu pameget, bari eta ogé atos répot ku kasawat struk, sareng istrina mah teutiasa ninggal.

Kaditu téh seja nyambungkeun tali Silaturahmi, rumaos tamélar kanu jadi baraya di Purwakarta aya kana lima welas tauna meureun teu panggih, padahal jarak Majalaya-Purwakarta téh da teu jauh-jauh teuing, tapi édas ku malesna. Jeung éta wé hésé ngatur waktuna ari rék sasabaan téh.
Mudah-mudahan wé isukan mah pareng sagalana. Salamet nepi ka tujuan. Aamiin.

Rék nepungan séké sélérna anu masih aya, rék nyambungkeun deui tali babarayaan.

Ceuk dina katerangan, sahadé-hadé na babakti anu jadi budak kanu jadi sepuh anu atos tilar tidunya téh salah sahijina nyaéta nyambungkeun deui babarayaan anu geus lila pegat. Sanés kitu?

Hapunten upami lepat

NGOJAY

Jongjon geus kacumponan mah. Si bungsu ti poéan lebaran kénéh nanagih hayang ngojay, karék poé ieu bisa kalaksanakeun.
Ti imah téh mangkat jam dalapan isuk kénéh kuukuran urang Rancawaas mah, ngahaja ngarah kosong kénéh, da enya datang ka tempat ngojay téh rada coréncang.

Alhamdulillah unggal taun matuh tara kanu jauh. Ukur lima kilo meter ti lembur téh, jadi teukudu macét-macétan. Tempatna lumayan ngeunaheun jang ngasuh budak mah. Ngaran tempatna Kolam Renang Tirta Gemilang ayana di Kampung Bojong Picung, Cikawao, Kecamatan Pacet, Kabupaten Bandung.

Baheula asupna ukur sapuluh rébu saurang, budak kolot ogé sarua, taun ieu naék jadi limalas rébu barudak, kolot duapuluh rébu.
Sabab kuring mah matuh menang diskon jadi limalas rébu diakurkeun budak kolot. Anu ngilu téh rada euyeub diitung aya kana dua puluh urangna. Kuring, Indung, adi-adi jeung alo-alo.

Tilu jam teukarasa ngojay téh, barudak geus katingali gareunteul balas katiisan. Kira-kira jam sabelas lewih saparapat kuring sararéa baralik.

Maju kabeurang anu datang beuki loba.
Batur datang kuring mulang.